Com ‘(No) Meio (do) Oriente, Círculo Edições publica o seu segundo livro e o primeiro em teatro. Com este número principiamos a Coleção Knosos, pensada para divulgar este género literário. Género de grande projeção nos meios de comunicação e na sociedade pela sua expansão na realidade, por poder ser representado num cenário. Portanto, tem a
força do visual e do auditivo. Os sentidos gozam no máximo grau pela perfeição que exprime na representação imaginária, e oxalá num futuro próximo, na realidade.

Somos conscientes do grande labor do autor. Artur Alonso Novelhe, nascido em México e residente em Ourense, ativista no Clube dos poetas vivos, é um profundo conhecedor da arte pechada nas palavras. Quando lemos o seu trabalho, ficamos surpreendidos pelas mentes dos seus personagens. Personagens complexos e esquisitos, dotados da seriedade da vida que pesa como uma lousa mortuária. Estão continuamente lutando com o existencialismo puro; com a solidão, com a morte, com o esquecimento… Em fim, com a eterna pergunta do homínido: O Por quê de estar cá, o por quê de viver, e a sua finalidade na VIDA. A filosofia própria do ser, a mais real e inócua, a mais simples que dá o sentido a tudo o que nos rodeia, é a que está nas páginas deste livro. Um livro comprometido e veraz, e também um estudo do ser humano na faceta mais interior e desconhecida de si próprio.
Nós acreditamos nesta obra, achamos que a sua valia acrescenta o nosso trabalho de edição. Pois, é uma obra muito especial e atrevida. Rompe com os cânones estabelecidos do género e transfigura com delicadeza a dificuldade que tem a sua própria escolha, o mesmo ser, e essa dificuldade multiplica o seu valor. Realça a profundidade do sonho humano.
Com esta edição de teatro, pretendemos escavar nos assustadores fatores sociais. Queremos traspassar barreiras instauradas no tédio e no conhecido. Desejamos saber e crer no Pensamento, Ele é o motor dos homens e mulheres. ELE é o pneu do mundo que se movimenta em si próprio. O Pensamento faz-nos evoluir, pois somos pensamento.

O  24 de xaneiro estreouse en Nigrán, na Casa Colorida, o documental “Cos Pés de Cemento”. O seu tema principal é a economía baseada no cemento, a especulación urbanística e a apropiación do común, pero reflicte tamén as mobilizacións sociais que xurdiron como defensa imprescindible. “Cando foi a explosión anticorrupción en Nigrán, e en tantos outros concellos, decidimos empezar a gravar. Percibiamos que por fin o sentimento da xente e o dos ecoloxistas comezaba a converxer. Iso foi o que nos deu os folgos, o tempo no activismo deunos os contactos.” (Juan P. Forti)

“O documentario ten como tema principal a economía baseada no cemento; pero reflicte tamén as movilizacións sociais que xurdiron como defensa ”

Os casos vanse presentando enfiando entrevistas e gravacións de mobilizacións: Redondela reinvindicando o tren de cercanías, O Morrazo en contra dos portos deportivos, Baiona e a defensa do patrimonio nos montes, Salvaterra co polígono industrial, Nigrán e a construción do Porto do Molle, hoxe unha grande extensión encementada, trala desfeita eólica, chea de naves industriais  baleiras e sen uso, como en tantos outros casos; e no mesmo concello a aparición de Salvemos Monteferro como resposta veciñal que se opuxo ao proxecto de urbanización do monte…
O documental anima á mobilización cidadá. Ao estar feito dende o local vémolo dende unha perspectiva de participación e coñecemento que lle dá un significado especial de proximidade.

Fotograma de “Con pés de cemento”

Autoría da reseña: Ánxeles Bouzó

Esta proposta editorial nace tamén co obxectivo de crear unha rede de
ilustradorxs, librepensadorxs e amantes da retranca do noso tempo.
Ilustrísima’s 4 eva!
https://www.facebook.com/ilustrisimas

“As primaveras do Barrio do Cura” é un proxecto que dende o ámbito artístico fai un chamamento á cidadanía para facer fronte ao devastador proceso especulativo de Karpín e Cía.

Mediante videocreacións nas que participan cineastas, poetas, músicas e bailarinas locais, os breves clips mostran os valores do patrimonio histórico-cultural e da vida que aínda perdura no chamado “Barrio do Cura”: a rica auga da fonte da Barroca, a frescura que se sente no lavadoiro de Poboadores, a beleza da súas rúas centenarias, a feitura da arquitectura popular ou a vitalidade do verde que aínda medra e se cultiva na milenaria horta do convento de San Francisco… Trátase, tamén, de evocar as oportunidades que este anaco de Casco Vello podería ofrecernos a todas para producir, festexar, habitar, transitar, conservar, crear… se non fose malvendido e maltratado polo Concello.

Xa podedes ver o primeiro clip en http://vimeo.com/100652641… séguenos.

Colectivo As primaveras do “Barrio do Cura“

Coñecémonos na sección de caza do Corte Inglés durante un mitin de Convergencia i Unió. Na produción da nosa instalación de tapas de iogures no MOMA sorprendeunos a crise da papaia indonesia (nós diciamos non).

O noso grande traballo interesoulle a importantes empresas como Cisco Systems, Gazprom e Frutas Katuxa. Recibimos un Nobel de literatura grazas a iso, compartido con Alexander Infojobs Senior (fundador do efectivo portal de traballo).

Ao destapar a relación entre Corea do Norte e Kenny G. chamamos a atención do F.M.I., que nos confiou o labor de desestabilizar o mundo árabe, as Azores, Perejil e Swazilandia.

Actualmente compartimos a nosa base coa sede de Al-Qaeda de Coia (a carón do Economato de Citroën). Se tes algún problema e nos atopas, quizais poidas contratarnos.
Siguenos en: https://www.facebook.com/quemenarras

Quemenarras Revista

Gustaríanos recomendar este libro, pois consideramos fundamental para comprender a situación actual na que nos atopamos entender o pasado e as loitas que nel se desenvolveron. Silvia Federici fálanos das movementos milenaristas e heréticos, a loita polo común, mulleres e a herejía, as loitas urbanas, a política sexual, o surximiento do Estado e a contrarrevolución, a privatización da terra, a depreciación do traballo feminino, a época da quéima de bruxas, a caza de mulleres… que se sucederon en Europa e no “novo mundo”. A historia das mulleres e da dura represión que sufriron non deixa de ser a mesma historia que esta sucedendo hoxe día, diferentes épocas diferentes medios
represivos, diferentes formas de resistencia e liberación.

Porque só a acción faranos libres…, Nin un paso atrás!!!
Pode descargar a obra en http://www.traficantes.net/libros/caliban-y-la-bruja

Cárcere=Tortura

“Este libro trata da inviabilidade e insustentabilidade a medio e longo prazo do proxecto europeo e a necesidade do seu desmantelamento”

“La compleja construcción de la ‘Europa’ superpotencia. Una aportación al debate sobre el futuro del Proyecto Europeo y las resistencias que suscita”, Ramón Fernández Durán (Virus editorial), é un libro pretende ser unha análise do longo camiño percorrido dende a construción da Europa do capital e das resistencias ata o seu despregamento, así como unha proposta acerca da necesidade de deconstruir o proxecto europeo para conseguir un mundo máis xusto e sustentable. Aborda o rapto de Europa polo capital ao longo da historia; os porqués do inicio da construción do proxecto europeo e da súa evolución; a forxa da UE co Mercado Único e a moeda única; o mundo post-11-S, unha nova ameaza para unha UE que acentúa a súa proxección cara ao leste; a inviabilidade e insustentabilidade a medio e longo prazo do proxecto europeo e a necesidade do seu desmantelamento, transcendendo tamén os Estados-nación que o compoñen, co obxecto de abrir novas vías de transformación político-social dende abaixo.

Lapsus distribuidora alternativa. lapsus@sindominio.net.

“Quen inventa que mentiras na actualidade? Por que medios? Para servir a quen?”

Michel Bounan, Pepitas de Calabaza.

Os autores de novelas policíacas non sempre ocultan hoxe en día o ter sido eles mesmos antigos ou novos policías. Saben do que falan. Podería parecer que a intriga desenvolvida no presente libro a través de tres historias – os chamados complots xudeus de primeiros do século XX, a controvertida obra literaria de Céline a cabalo das décadas dos anos trinta e corenta e, finalmente, o actual revisionismo histórico por parte de antigos esquerdistas- non ofertan ao lector o mesmo tipo de garantía. Porén trátase de historias certamente reais. Os lectores destas historias descubrirán nelas sen esforzo bastantes semellanzas como para recoñecer a trama dun mesmo proceder. E para respostar pola súa conta ás preguntas que esta suscita: quen inventa que mentiras na actualidade? Por que medios? Para servir a quen? Contra quen, aparentemente? E realmente?

Lapsus distribuidora alternativa. Http://lapsusdistribuidora.blogaliza.org/

“Non somos unha productora, non somos unha discográfica. Somos un colectivo de músicos. So iso.”

O pasado 17 de Xaneiro enchimos a Sala  Capitol de Compostela coa nosa primeira “gran produción” o II Festival Metamovida. O cartel estivo formado por Cró!, Unicornibot, Guerrera e máis a Orquesta Metamovida; grupos do underground galego integrados por algúns dos músicos que, dende fai anos, construimos colectivamente a Metamovida.
Para todos nós, aquel día cumpriuse un soño.  No público había 500 persoas e moreas de amigas, todas elas entregadas coa música  e espirito da Metamovida. Pero tamén porque se completou unha producción artística de éxito: a entrada foi popular (10€, 4 bandas, 3h30min de espectáculo), sen que isto impedise que os músicos, e todas as demáis persoas que traballaron no evento, cobraran dignamente e tiveran os seus desprazamentos cubertos.

Para moitas de nós, o acontecido o pasado 17 de Xaneiro en Compostela, foi  unha proba de que o traballo colectivo e cooperativo na promoción, organización, coordinación e execución, permite aos  artistas escénicos autoproducir os seus eventos con éxito, independencia e a precios populares.

Xavier Núñez Bértolo, integrante da Metamovida.

Os medios de persuasión de masas difunden sen descanso a verdade incontestável. As sociedades europeas non se poden permitir o mantemento de onerosos sistemas de
protección social.

No entanto, existe unha narración alternativa. Os sistemas de protección social, como o recoñecemento dos dereitos das mulleres, ou como a acumulación do coñecemento científico, son conquistas da civilización humana, irrenunciábeis, que deben ser estendidas a toda humanidade. A capacidade produtiva das sociedades humanas é incomparabelmente superior á de ningunha outra época. Porén, é capitalismo financeirizado o que ameaza a viabilidade dos sistemas de pensións públicos. É o capitalismo financeirizado o que aumenta de xeito exponencial a inestabilidade do sistema
económico someténdoo a recorrentes crises financeiras. Establecer o benestar común é posíbel, mais incompatíbel coa financeirización. E, tendencialmente, tamén incompatíbel co capitalismo.

Lapsus distribuidora alternativa.