“As primaveras do Barrio do Cura” é un proxecto que dende o ámbito artístico fai un chamamento á cidadanía para facer fronte ao devastador proceso especulativo de Karpín e Cía.

Mediante videocreacións nas que participan cineastas, poetas, músicas e bailarinas locais, os breves clips mostran os valores do patrimonio histórico-cultural e da vida que aínda perdura no chamado “Barrio do Cura”: a rica auga da fonte da Barroca, a frescura que se sente no lavadoiro de Poboadores, a beleza da súas rúas centenarias, a feitura da arquitectura popular ou a vitalidade do verde que aínda medra e se cultiva na milenaria horta do convento de San Francisco… Trátase, tamén, de evocar as oportunidades que este anaco de Casco Vello podería ofrecernos a todas para producir, festexar, habitar, transitar, conservar, crear… se non fose malvendido e maltratado polo Concello.

Xa podedes ver o primeiro clip en http://vimeo.com/100652641… séguenos.

Colectivo As primaveras do “Barrio do Cura“

Coñecémonos na sección de caza do Corte Inglés durante un mitin de Convergencia i Unió. Na produción da nosa instalación de tapas de iogures no MOMA sorprendeunos a crise da papaia indonesia (nós diciamos non).

O noso grande traballo interesoulle a importantes empresas como Cisco Systems, Gazprom e Frutas Katuxa. Recibimos un Nobel de literatura grazas a iso, compartido con Alexander Infojobs Senior (fundador do efectivo portal de traballo).

Ao destapar a relación entre Corea do Norte e Kenny G. chamamos a atención do F.M.I., que nos confiou o labor de desestabilizar o mundo árabe, as Azores, Perejil e Swazilandia.

Actualmente compartimos a nosa base coa sede de Al-Qaeda de Coia (a carón do Economato de Citroën). Se tes algún problema e nos atopas, quizais poidas contratarnos.
Siguenos en: https://www.facebook.com/quemenarras

Quemenarras Revista

Gustaríanos recomendar este libro, pois consideramos fundamental para comprender a situación actual na que nos atopamos entender o pasado e as loitas que nel se desenvolveron. Silvia Federici fálanos das movementos milenaristas e heréticos, a loita polo común, mulleres e a herejía, as loitas urbanas, a política sexual, o surximiento do Estado e a contrarrevolución, a privatización da terra, a depreciación do traballo feminino, a época da quéima de bruxas, a caza de mulleres… que se sucederon en Europa e no “novo mundo”. A historia das mulleres e da dura represión que sufriron non deixa de ser a mesma historia que esta sucedendo hoxe día, diferentes épocas diferentes medios
represivos, diferentes formas de resistencia e liberación.

Porque só a acción faranos libres…, Nin un paso atrás!!!
Pode descargar a obra en http://www.traficantes.net/libros/caliban-y-la-bruja

Cárcere=Tortura

“Este libro trata da inviabilidade e insustentabilidade a medio e longo prazo do proxecto europeo e a necesidade do seu desmantelamento”

“La compleja construcción de la ‘Europa’ superpotencia. Una aportación al debate sobre el futuro del Proyecto Europeo y las resistencias que suscita”, Ramón Fernández Durán (Virus editorial), é un libro pretende ser unha análise do longo camiño percorrido dende a construción da Europa do capital e das resistencias ata o seu despregamento, así como unha proposta acerca da necesidade de deconstruir o proxecto europeo para conseguir un mundo máis xusto e sustentable. Aborda o rapto de Europa polo capital ao longo da historia; os porqués do inicio da construción do proxecto europeo e da súa evolución; a forxa da UE co Mercado Único e a moeda única; o mundo post-11-S, unha nova ameaza para unha UE que acentúa a súa proxección cara ao leste; a inviabilidade e insustentabilidade a medio e longo prazo do proxecto europeo e a necesidade do seu desmantelamento, transcendendo tamén os Estados-nación que o compoñen, co obxecto de abrir novas vías de transformación político-social dende abaixo.

Lapsus distribuidora alternativa. lapsus@sindominio.net.

“Quen inventa que mentiras na actualidade? Por que medios? Para servir a quen?”

Michel Bounan, Pepitas de Calabaza.

Os autores de novelas policíacas non sempre ocultan hoxe en día o ter sido eles mesmos antigos ou novos policías. Saben do que falan. Podería parecer que a intriga desenvolvida no presente libro a través de tres historias – os chamados complots xudeus de primeiros do século XX, a controvertida obra literaria de Céline a cabalo das décadas dos anos trinta e corenta e, finalmente, o actual revisionismo histórico por parte de antigos esquerdistas- non ofertan ao lector o mesmo tipo de garantía. Porén trátase de historias certamente reais. Os lectores destas historias descubrirán nelas sen esforzo bastantes semellanzas como para recoñecer a trama dun mesmo proceder. E para respostar pola súa conta ás preguntas que esta suscita: quen inventa que mentiras na actualidade? Por que medios? Para servir a quen? Contra quen, aparentemente? E realmente?

Lapsus distribuidora alternativa. Http://lapsusdistribuidora.blogaliza.org/

“Trala morte de Franco, os presos comúns subiron aos tellados para reclamar a liberdade e unha mudanza radical do sistema penal e penitenciario.”

Á fronte do movemento de presos sociais, a COPEL asinou os manifestos que  acompañaron as folgas de fame, autolesións e motíns mediante os que se reivindicaron como vítimas do franquismo. A deriva cada vez máis violenta destas accións, tanto no seu desenvolvemento como na súa resposta gobernamental, marcou de xeito indelébel os anos da Transición. Foi tal a relevancia que adquiriron as protestas e tanta a alarma
social que xeraron as imaxes dantescas de prisións esnaquizadas e presos feridos ou mortos, que o goberno viuse empurrado a emprender unha reforma urxente do sistema penitenciario. Un percorrido atravesado por episodios escuros e zonas de sombra sobre os que esta obra aporta luz e rigor, sen renunciar a un enfoque crítico que cuestiona o discurso hexemónico sobre o proceso que sentou os piares do encerro contemporáneo.

Ficha técnica: César Lorenzo Rubio, Virus editorial.
Virus editorial, Barcelona 2013. Rústica 21x 25 cm, 440 páxinas. 24 euros.

Lapsus distribuidora alternativa.

Pasamos as nosas vidas como espectadores: crecendo, consumindo e estudando áreas  en relación ao audiovisual. Por isto decidimos formar parte da creación que está a suceder perante nós, comezando o noso proxecto nun país descoñecido. Somos integrantes deses máis de 6 millóns de desempregados, os primeiros segundo a lista de Organización para a Cooperación e Desenvolvemento Económicos. Decidimos mercar un billete a México para inicios de setembro do 2013, onde a través da experiencia sentamos as bases e a dirección a seguir. Partindo da nosa liberdade creativa, orientamos os nosos coñecementos audiovisuais a persoas, colectivos e asociacións que desenvolvan actividades de interese; aproveitando as vantaxes que se poden obter do mundo globalizado no que vivimos.

Os obxectivos:

Propor a ferramenta audiovisual como medio de difusión e xestión cultural.
Establecer conexións coa arte e cultura mexicanas, achegando a súa realidade a aqueles que sigan a nosa actividade na web (www.transeun3.com)

Plasmar dun xeito independente o noso punto de vista sobre as experiencias vividas ao longo desta viaxe.