Na actualidade o diñeiro é creado pola norma da reserva fraccionaria: a banca comercial pode prestar ata o 99% do diñeiro que nela é depositado. Asi por exemplo, dunha nómina de 1000 euros, o banco pode crear outros 990 en forma de préstamo; e dese prestamo de 990 euros (incluso antes de recuperalo) outros 980,10, e así nunha progresión  exponencial de centos, miles, millóns,… de prestamos (dos cales o banco gaña  intereses). Este é o poder real da banca: xera diñeiro a partir desta débeda.

Que podes facer ti?

Na túa contorna ofrécense alternativas que podes realizar a título particular ou de xeito comunitario. Catro exemplo serían:

• Facer troco. O troco é o intercambio sen diñeiro, é o xeito máis directo e menos xerárquico de comercio. En Vigo leva anos funcionando o “Vigotroca” (http://vigotroca.arkipelagos.net/), un portal de internet onde podes atopar e ofrecer bense servizos para trocar.

• Usar moeda social. Cando unha moeda é creada por unha comunidade pequena en vez dun estado ou banco e chamada moeda social. Estas moedas permite as comunidades emisoras crear un novo mercado, cunhas normas axeitadas aos seus obxetivos económicos: por exemplo fomentalos productos locais, ecolóxicos, cooperativos,… Un exemplo de moeda social é a que empregan os socios da Alg-lab de Valadares.

• Formar parte dunha cooperativa de financiamento. As cooperativas de crédito son sociedades cooperativas que suplen as necesidades de financiamento dos seus membros e máis de terceiros. Estas cooperativas van ligadas sempre a un determinado ámbito territorial definido nos seus estatutos.

•  Apoiar a creación dunha banca pública. Unha banca que estea baixo control popular e que oriente á inversión ao tecido produtivo, á economía real, da que depende a creación e supervivencia dos postos de traballo, prohibindose as prácticas da economía especulativa.

A combinación do diñeiro fiduciario (avalado polo estado) e a reserva fraccionaria (o diñeiro creado polo prestamo banca-rio) é a responsable da actual situación do Euro.
Fuente:Wikipedia.

Autor Redacción A Boia

Por que existe o diñeiro?

O diñeiro permitiu desenrolar o comercio máis aló das limitacións do troco (directo, instantáneo e presencial). Mediante o mercado en base ao diñeiro as comunidades puideron construir unha rede na que pór en circulación os seus excedentes e coñecementos.

O diñeiro é bo ou malo?

Nin unha cousa nen outra. O diñeiro é un instrumento, unha ferramenta (moi poderosa), e como tal depende de que fins permita obter.

Nas sociedade monetarizadas cada un/ha participa na economía sen perseguir un obxectivo común senón o seu particular: conseguir diñeiro.

Nestas sociedades aparece fácilmente a especulación económica, cuxos efectos son moi nocivos para a sociedade: o traballo e os recursos son destinados a unha producción que nunca vai a ser consumida. Un exemplo de economía especulativa é a española: a producción de vivendas e infraestructuras nunca atopou quen as consuma.

Como funciona o diñeiro? Que é o diñeiro fiduciario? Que é a reserva fraccionaria?

O diñeiro e un instrumento moi complexo cuxo funcionamento a maiora da xente
descoñece ou apenas comprende. Hoxe en día o diñeiro é manexado, creado e regulado, pola banca privada e as élites políticas, que non teñen interese algún en facer entender ao pobo como funciona o diñeiro.

A forma de diñeiro actual é a fiduciaria: aquel que se basa exclusivamente na fe das persoas que o empregan, xa que non existe ningunha correspondencia directa
entre este diñeiro e calquera cousa que teña valor de por si. A fe da xente nesta
forma de diñeiro baséase no respaldo legal dos estados que soportan cada unha das
moedas. Dende 1971, o goberno de Nixon rachou unilateralmente a convertivilidade
do “Dollar US” en ouro, convertindo así  a todas as moedas do mundo en diñeiro fiduciario.

Autor Redacción A Boia