“Os obxectivos son claros: 1º Garantir uns servizos da auga e saneamento para toda a cidadanía europea, 2º Non permitir a liberalización dos servizos da auga.”

Os obxectivos son claros: 1º Garantir uns servizos da auga e saneamento para toda a cidadanía europea, 2º  Non permitir a liberalización dos servizos da auga e 3º Obter un acceso universal (e global) á auga e ao seu saneamento.

Eiquí tamén creouse xa fai un tempo una campaña cidadá pola Auga Pública en Vigo. A intención da campaña é, 1º por en coñecemento da cidadanía que o Concello de Vigo, contra o criterio do propio interventor municipal que fixo un informe negativo, decidiu en comisión de goberno ampliar a concesión da auga e o saneamento á AQUALIA, concesionaria dende 1994 do servizo trala privatización de entón da empresa municipal EMAVISA. 2º Que esta decisión se someta a referendo en defensa dunha volta ao sistema público (en forma de empresa municipal de augas) que abaratase o servizo e promover a eficiencia e o aforro de recursos. Para acadar este obxectivo apélase ao artigo 35 do REGULAMENTO DE PARTICIPACIÓN CIDADÁ que di: Correspóndelle ao Concello realizar os trámites pertinentes para celebrar a consulta cidadá sobre materias da súa competencia. Tamén se poderá celebrar consulta cidadá a petición colectiva, asinada por un mínimo de veciños non inferior ao 8% do censo electoral municipal, logo da resolución dos acordos interesados. Todo o que non prevé este artigo regularase conforme ao disposto na lexislación estatal ou da Comunidade Autónoma, especialmente a Lei Orgánica 2/1980 de 18 de xaneiro, regulamentadora das diferentes modalidades de referendo.

Anímovos a que colaboredes na consecución das sinaturas, RECUPEREMOS O QUE É
NOSO!! NON A PRIVATIZACIÓN DO SERVIZO DO AUGA!!

As follas de recollida de sinaturas e máis información as tedes na seguinte páxina:
http://augapublica.blogspot.com.es

Autor Guille Crego, Membro de Democracia Real Xa Vigo.

Pero hai ferramentas para trocar esta sociedade antihumana na que vivimos, que pon o diñeiro por riba das persoas. Diante de nós temos as solucións do noso labirinto social, que só poden chegar da nosa man.

Podemos enumerar multitude de propostas para rachar con esta barbarie capitalista na que estamos somerxid@s. Pero só unha pode canalizar unha metamorfose social e económica, que permita o libre desenvolvemento das aspiracións de millóns de cidadá(n)s que ateigan as rúas en movementos de protesta e resistencia a esta crise, que é unha estafa. Esta proposta non é outra que un proceso constituínte cidadán.
Por que afirmamos esta premisa?

1. Porque unicamente nós, @s cidadá(n)s, podemos activar dunha forma lexitimada este proceso de recreación do pacto social.
2. Porque será a pedra angular, para corrixir os erros que nos levaron á situación actual e tamén para ordenar e cuantificar as premisas fundamentais que queremos para a nova sociedade.
3. Porque será a que dote de legalidade, de contido, e de prioridade o resto de propostas ou ferramentas que consideremos necesarias para humanizar o noso entorno común.

Pero… como levar ao cabo este proceso?

Pódese dar de dous xeitos moi distintos. De forma violenta ou de maneira pacífica, cohesionando o músculo social existente. Descartando a primeira, por considerala non lexítima para acadar un cambio democrático hoxe en día, só queda a segunda das opcións.

A partir desta diagnose estamos a comezar un movemento dende abaixo. A nosa prioridade nestes intres é crear opinión pública, libre, apartidaria e crítica; poñendo as bases para construír unha sociedade que priorice a felicidade e a realización das persoas e da Nai Natureza, por riba de todas as cadeas (cartos, débeda, xuros,…) creadas artificiosamente para beneficio duns poucos co sufrimento e as penalidades de moitos.
Por iso animamos a tod@s @s que queirades participar deste apaixonante movemento que tomedes parte activa nel.

Autor Guillermo Crego

Membro fundador da Asemblea Cidadá Constituínte de Vigo.

+ info: asembleaconstituintevigo@gmail.com